Game for cities

AA.VV; 2012-2018; Jokoak eta tailerrak;  Meritxell Aicart; 2022 ; Instalazioa

Meritxell Aicarten piezak joko-proiektu analogiko eta digitalen bilduma bat irudikatzen du, hiria ardatz hartuta herritarren partaidetzarako eta hobekuntzarako gaien inguruan. Publiko helduari eta batez ere legegileei zuzendutako proiektuak dira, Boston, Bangalore, Lurmutur Hiria, Istanbul, Nairobi, Mosku, Shenzhen eta Sydneyn aurrera eraman diren ekimenak, eta gai hauek jorratzen dituzte: migrazio-fluxuak, klima-aldaketaren ondoriozko arazoak, kalitatezko espazio publikoen hornidura eta egokitzapena ekonomia zirkularrari begira.

“XXI. mendeko hirien eraikuntzaren erronkek metodo berritzaileak behar dituzte, gaur egungo munduaren konplexutasunari helduko diotenak, berehala urbanizatzen baita. Hiria planifikatzeko eta diseinatzeko modu tradizionalek —goitik behera eta bakarka— bidea ematen diote gero eta pertsona talde anitzagoen esperientzia kolektiboan, sormenean eta adimenean sakonki errotutako hiria sortzeko praktikari. Hori erabakigarria izango da hirien etorkizun jasangarriak eraikitzeko.

Bideojokoek hiriak sortzeko ahalmena dute, esploratu gabea. Hiri-prozesuetan kontu handiz txertatzen direnean, jokoek nabarmen hobetzen dute hiri-diseinu konbentzionalaren praktika, adibidez, erabakiak hartzen eta diseinu kolaboratiboan lagunduz, big data esanahi ulergarriak erauzi eta bistaratuz, eta gatazkak konpontzen lagunduz. Hala ere, hiri-jokoen eremua nahiko berria da, eta premiazkoa da komunitate integratu bat eraikitzea, hizkuntza bateratu bat garatzea eta iritsi berriei laguntzea. Hauek dira Games for Cities abiaraztea bultzatu duten arrazoiak: ikerlanen eta ekitaldien programa publiko bat, hiriei lotutako arazo konplexuetan jokoek betetzen duten zeregina aztertzeko”.

Proiektuaren webgunea: https://gamesforcities.com/