‘Marrak’ familientzako tailerra

Asko eta askotarikoak dira frontoiaren espazio xumea definitzen duten markak. Pilota jokoan gidatzen gaituzten lerroak antzekoak dira pilotalekuz pilotaleku, baina inoiz ez berdinak. Zenbakiek, banderek, motz, luze, txapa… frontoiaren espazioaren irakurketa garbia eraikitzen dute, eta hausnarketa grafikoa merezi dute familian.

‘Pilotalekuak. Hutsunea eraikiz‘ erakusketaren azken asteetan, ‘Marrak’ tailerra ospatuko dugu. Bertan, mugak ezartzen dituzten eta lur honetako jolasaz gozatzeko aukera ematen diguten ikus-zeinu horiek interpretatuz eta diseinatuz dibertituko gara.

Datak: irailak 9 eta 16. Doan izena eman dezakezu hemen.