Latinoamerikako arkitektura gaztea

“Latinoamerikako arkitektura gaztea ” erakusketa, AREAk antolatua eta Nafarroako Gobernuaren, Iruñeko Udalaren, Euskal Herriko Arkitektoen Elkargo Ofizialaren eta Nafarroako Unibertsitateko Arkitektura Eskolaren babesarekin.

Argentina, Brasil, Erdialdeko Amerika, Txile, Kolonbia, Mexiko, Paraguai eta Uruguaiko hamalau taldek osatzen dute erakusketan parte hartzen duten 40 urtetik beherako arkitektoen hautaketa.

Euskadiko Arkitektura Institutuak (EAI) “Latinoamerikako arkitektura gaztea” erakusketa hartuko du irailaren 27ra arte. Erakusketak Latinoamerikako Arkitektura Bienalaren (BAL) bederatzigarren edizioko edukiak biltzen ditu. Duela 18 urtetik antolatzen den ekimen honek 40 urtetik beherako Latinoamerikako arkitekto gazteek diseinatu eta zuzendutako arkitektura nabarmentzea du helburu.
AREAk antolatutako erakusketa EAIra iritsi da, Institutuak arkitektura herritarrengana hurbiltzeko eta sorkuntza garaikidearen inguruko eztabaida sustatzeko duen bokazioaren baitan.

Arkitekturarik onena ahalmen ekonomiko handiena duten herrialdeetan sortzen dela dioen uste zabalduaren aurrean, “Latinoamerikako arkitektura gaztea” erakusketak erakusten du gaur egun lehen mailako arkitektura ere garatzen dela gizarte- eta ekonomia-arazo larriak dituzten herrialde askotan. Latinoamerika horren adibide bikaina da, eta Bienalak ia bi hamarkadaz frogatu du hori, zorrotz eta koherentziaz.

Euskadiko Arkitektura Institutuan aurkezten den erakusketak gaur egungo zein iraganeko Latinoamerikako arkitekturaren ikuspegi zabal eta ñabartua eskaintzen du. Bertan ikusgai izango da BAL 2025eko arkitektura gaztearen hautaketa, edizio honetako hamalau talde finalistak bilduz. Talde horiek zortzi herrialde edo eskualdetakoak dira: Argentina, Brasil, Erdialdeko Amerika, Txile, Kolonbia/Karibea, Mexiko, Paraguai eta Uruguai.

BAL 2025eko parte-hartzaileak

2025eko ediziorako hautatutako eta erakusketan parte hartzen duten hamalau taldeak honako hauek dira:

Argentina: Ana Smud, Balsa Crosetto Piazzi (Juan M. Balsa / Rocío Crosetto Brizzio / Leandro Piazzi), Ben-Avid (Martín Benavidez), Mutar (Lucila Ottolenghi / Natalia Kahanoff / Luciana Casoy / Florencia López Iriquin).

Brasil: Arquipélago Arquitetos (Luís Tavares / Marinho Velloso), Messina | Rivas (Francisco Rivas / Rodrigo Quintella Messina).

Erdialdeko Amerika: Taller ACÁ (Jorge Villatoro / Hans Schwarz Bassila), Void (Ricardo Sevilla / Sergio Frugone / Felipe Rossi).

Txile: Urzúa Soler Arquitectos (Nicolás Urzúa Soler / Mauricio Urzúa Soler), Whale! (Branko Pavlovic / Luca Montanarella).

Kolonbia/Karibea: Cauce Arquitectura del Paisaje (Sebastián Monsalve Gómez).

Mexiko: Práctica Arquitectura (David Martínez Ramos).

Paraguai: SD+A (Sebastián Domaniczky Arevalo).

Uruguai: ManzonITerra (Sebastián Olivera Manzoni / Luan Heide / Guillermo Pereira Terra).