Erraketistak euskal pilotaren historian

1910eko hamarkadan euskal pilotaren modalitate berri bat inauguratu zen, erraketa, batez ere emakumeek jokatutakoa eta frontenisaren antzekoa, baina larruzko pilotarekin. Modalitateak arrakasta industriala izan bazuen ere eta bere praktika profesionala 1980ra arte hedatu zen arren, pilotaren historia haren omisioaren gainean eraiki da, kirolaren maskulinitatea goraipatuz. Zergatik? Zer gertatu zen erraketarekin eta zer esan diezaguke Euskal Pilotaren Historiaz eta, oro har, kirolaren orainaz?

Ostegunean, irailak 21, 18:00etan, horren guztiaren inguruan arituko da Euskadiko Arkitektura Institutuan Olatz González Euskal Herriko Unibertsitateko (UPV/EHU) irakaslea eta Ankulegi Antropologiaren Euskal Elkarteko presidentea.

Olatz González Abrisketa

Euskal Herriko Unibertsitateko (UPV/EHU) irakaslea eta Ankulegi Antropologiako Euskal Elkarteko presidentea da. Bere ikerketa-gai nagusia kirolak subjektibotasunen, sexuen eta imaginario nazionalen eraketan duen inplikazioa izan da. Ildo horretan, nabarmentzekoak dira Raquetistas (Sans Soleil, 2022) eta Pelota vasca: un ritual, una estética (2005) liburuak eta «Cuerpos desplazados» (2013) eta «La invención de los objetos» (2020) artikuluak. Jørgen Leth danimarkar zinemagilearekin batera, Pelota II (2015) filma zuzendu du, baita Jokoak: materia eta desafioa erakusketa ere, 2016an San Telmo Museoan egin zena.